بی جے پی کی رہنما نے گاندھی کے قاتل کو محب وطن قرار دے دیا
بی جے پی کی رہنما نے گاندھی کے قاتل کو محب وطن قرار دے دیا
بی جے پی کی خاتون رہنما نے گاندھی کے قاتل نتھو رام کے عمل کا دفاع کیا (فوٹو : فائل)

نئی دلی: حکمراں جماعت کی خاتون رہنما نے بھارت کے بانی رہنما مہاتما گاندھی کے قاتل کو محب وطن قرار دے دیا۔

بین الاقوامی خبر رساں ادارے کے مطابق بھارتیہ جنتا پارٹی کی خاتون رہنما پراگیا سنگھ ٹھاکر نے مہاتما گاندھی کو قتل کرنے والے نتھو رام گوڈسے کی حمایت کرتے ہوئے اسے محب وطن شخص قرار دے دیا۔

بی جے پی رہنما کے بیان پر طوفان کھڑا ہو گیا اور کانگریس سمیت تمام جماعتوں کے رہنماؤں نے متنازع بیان پر شدید تنقید کی اور خاتون رہنما کو آڑے ہاتھوں لیتے ہوئے جدو جہد آزادی کی تاریخ پڑھنے کا مشورہ دے ڈالا۔