معروف اسکالر علامہ عباس کمیلی انتقال کر گئے
کراچی (نیوزڈیسک) جعفریہ الائنس پاکستان (جے اے پی) کے سربراہ معروف اسکالر علامہ عباس کمیلی انتقال کر گئے۔ مرحوم کی عمر 70 برس تھی اور وہ شوگر اور دل کے امراض میں مبتلا تھے۔ علامہ عباس کمیلی متحدہ قومی موومنٹ کے سابق سینیٹر بھی تھے۔ وزیراعلی سندھ مراد علی شاہ، گورنر سندھ عمران اسماعیل اور میئر کراچی وسیم اختر نے اپنے علیحدہ

علیحدہ تعزیتی پیغامات میں علامہ عباس کمیلی کے انتقال پر گہرے دکھ اور افسوس کا اظہار کیا ہے۔ دوسری جانب وزیراعظم عمران خان ممتاز عالم دین علامہ عباس کمیلی کے انتقال پر گہرے دکھ اور افسوس کا اظہار کیا ہے۔ اپنے تعزیتی پیغام میں انہوں نے کہا کہ علامہ عباس کمیلی اتحاد بین المسالک ہم آہنگی کی ایک مضبوط آواز تھے۔ وزیراعظم نے دعا کی کہ اللہ تعالیٰ مرحوم کو جنت الفردوس میں جگہ دے اور سوگواران کو صبر جمیل عطا فرمائے۔