کراچی میں ہیٹ ویوالرٹ جاری، پارہ 42 ڈگری تک جانے کا امکان
کراچی:شہر قائد والے ہوجائیں ہوشیار! سورج قیامت ڈھانے کو ہے تیار! محکمہ موسمیات نے ہیٹ ویو الرٹ جاری کردیا جبکہ شہر درجہ حرارت 42ڈگری تک جانے کا امکان ہے ۔محکمہ موسمیات نے کراچی والوں کیلئے خطرے کی گھنٹی بجا دی، شہر میں جاری گرمی

کی لہر میں مزید اضافے کی پیشگوئی کردی، شہریوں کو 13سے 17جون تک ہیٹ ویو جیسی صورتحال کا سامنا رہے گا۔ محکمہ موسمیات نے شہریوں کیلئے ہیٹ ویو الرٹ جاری کردیا،اس دوران پارہ 42ڈگری کو چھونے کا امکان ظاہر کیا گیا ہےجبکہ گرمی کی شدت 50ڈگری سینٹی گریڈ محسوس کی جائے گی،سمندری ہوائیں بند رہنے سے حبس رہے گا۔دوسری جانب سمندری طوفان آج بھارتی گجرات کے ساحل سے ٹکرائے گا۔ انتظامیہ نے ساحلی علاقوں کو خالی کرا لیا ہے، سائیکلون ویو کا پاکستان میں ساحل سے ٹکرانے کا کوئی امکان نہیں ۔