Looks like I've won the World Cup

Posted By: Kabira on 25-07-2019 | 04:43:49Category: Political Videos, News

ایسا لگ رہا ہے ورلڈ کپ جیت کر آیا ہوں، وزیراعظم عمران خان
اسلام آباد (نیوز ڈیسک )عمران خان اسلام آباد ائر پورٹ پہنچے تو وزراء ، پارٹی قائدین اور کارکنوں نے پرجوش استقبال کیا۔ پی ٹی آٗئی کارکنوں نے ڈھول کی تھاپ اور پارٹی ترانوں پر رقص کیا۔ وزیراعظم کے حق میں خوب نعرے بھی لگائے گئے۔ائرپورٹ پرمیڈیا سے گفتگو میں وزیراعظم کا کہنا تھا کہ ایسا لگ رہا ہے ورلڈ کپ جیت کرآیا ہوں۔انہوں نے کہا کہ قائد اعظم کے خواب کے مطابق پاکستان بنائیں گے۔
نہ کبھی خود جھکا نہ قوم کو جھکنے دوں گا۔ اب گرین پاسپورٹ پر پاکستانیوں کی عزت ہوگی۔عمران خان نے ملک لوٹنے والوں کو دو ٹوک پیغام دیتے ہوئے کہا کہ کہ احتساب سب کا ہوگا۔ لوٹا ہوا پیسہ اکھٹا کرکے عوام پر خرچ کریں گے۔ ملک کو چوروں نے مشکل حالات میں ڈالا۔ میں نے بیرون ملک کہا کہ کہ لوٹ کا پیسا واپس لانے میں مدد کریں۔وزیراعظم نے کہا کہ ترقی کے لیے اداروں کا درست سمت میں چلنا ضروری ہے۔ وعدہ کرتا ہوں قوم کو مایوس نہیں کروں گا اور مدینہ کے اصولوں کے مطابق پاکستان کوعظیم ملک بناؤں گا۔ ملک سنبھالنے میں ایک سال لگ گیا، اب آگے بڑھیں گے۔

Comments...