قومی کرکٹ ٹیم کے کپتان سلمان علی آغا نے کہا ہے کہ مڈل اوورز میں اچھی بیٹنگ ہو تو اسکور کو 170تک لے جا سکتے ہیں۔ وہ میچ کے بعد میڈیا سے گفتگو کر رہے تھے۔ایشیا کپ میں یو اے ای کی ٹیم کو شکست دینے کے بعد قومی ٹیم کے کپتان سلمان علی آغا کا کہنا تھا کہ بھارت کیخلاف سپرفور میں چیلنج کیلئے تیارہیں تاہم ہم اب تک اپنا بیسٹ نہیں دے سکے۔کپتان نے کہا کہ مڈل آرڈر میں بیٹنگ کوبہتر کرنے کی ضرورت ہے۔ اگر مڈل اوورز میں اچھی بیٹنگ ہو تو ہم کسی بھی ٹیم کے خلاف اس اسکور کو 170 تک لے جا سکتے ہیں۔شاہین شاہ آفریدی ہمارا میچ ونر اور ابرار احمد بھی ہر میچ میں اچھی بولنگ کررہے ہیں۔ادھر یو اے ای کے کپتان محمد وسیم کا کہنا تھا کہ پاکستان کو کم اسکور تک محدود کرنے کا کریڈٹ بولرز کو جاتا ہے۔ ٹورنامنٹ سے باہر ہوئے لیکن کھیل کر تجربہ حاصل کیا۔