قومی ٹیم کے لیے میچ جیتنا ضروری، شکست پر ٹورنامنٹ سے نکلنے کا خطرہ ہے۔ پاکستان اور سری لنکا کا سپر فور مرحلے کا اہم میچ آج ابوظہبی میں ہوگا۔ قومی ٹیم کے لیے میچ جیتنا ضروری، شکست پر ٹورنامنٹ سے نکلنے کا خطرہ ہے۔ پاکستان بھارت سے سپر فور اور گروپ مرحلے دونوں میں شکست کھا چکا ہے۔ سری لنکا بھی سپر فور میں بنگلہ دیش کے ہاتھوں ہار چکا ہے۔ ذرائع نے بتایا ہے کہ قومی ٹیم میں تبدیلیوں کا امکان ہے، نوجوان بیٹر حسن نواز کی شمولیت متوقع ہے جبکہ بولنگ کو مضبوط بنانے کے لیے اضافی فاسٹ بولر کھلانے پر غور کیا جا رہا ہے۔ پاکستان پوائنٹس ٹیبل پر سب سے نیچے اور نیٹ رن ریٹ منفی ہے۔ بھارت بہتر نیٹ رن ریٹ کے باعث سرفہرست جبکہ بنگلہ دیش دوسرے نمبر پر ہے۔ پاکستان فائنل کی دوڑ میں شامل مگر راستہ مشکل، نیٹ رن ریٹ فیصلہ کن ہوگا۔بھارت اور پاکستان اپنے باقی میچ جیت گئے تو دونوں ٹیمیں فائنل کھیلیں گی۔