سکھر سے کراچی جانے والی سکھر ایکسپریس کی 3 بوگیاں پٹڑی سے اتر گئیں،کئی مسافر معمولی زخمی ہو گئے ۔ سکھر سے کراچی جانے والی 146 ڈاون سکھر ایکسپریس کی بوگیاں پٹڑی سے اترنے کے سبب ڈائون ٹریک بندہوگیااور ٹرینوں کی آمدو رفت متاثرہو ئی ، بوگیاں اچانک ڈی ریل ہونے کے دوران مسافر سوتے ہوئے بوگیوں سے گر گئے اور چندمسافر معمولی زخمی بھی ہوئے ہیں۔ ریلوے حکام کے مطابق ریلوے کا عملہ طلب کرکے بوگیوں کی بحالی کا کام شروع کردیاگیا اورٹریک کی بحالی میں چار گھنٹے لگیں گے۔