توشہ خانہ ٹو کیس حتمی مراحل میں داخل ہوگیا ہے۔ عدالت میں آخری گواہ پر بھی جرح مکمل کرلی گئی ہے۔ تفصیلات کے مطابق توشہ خانہ ٹو کیس کی سماعت اسپیشل جج سینٹرل شاہ رخ ارجمند نے کی۔ وفاقی پراسیکیوٹر ذوالفقار عباس نقوی اور بیرسٹر عمیر مجید عدالت پیش ہوئے۔ بانی پی ٹی آئی کے وکیل قوسین فیصل مفتی عدالت پیش ہوئے۔سلمان اکرم راجہ، بیرسٹر سیف، بیرسٹر علی ظفر، مشال یوسفزئی اور وکیل احمد مصر بھی سماعت کے دوران موجود تھے۔ بانی پی ٹی آئی کی تینوں بہنیں بھی کمرہ عدالت میں موجود تھیں۔ عدالت نے بانی پی ٹی آئی اور بشری بی بی کو 342 کا سوالنامہ فراہم کردیا۔دونوں ملزمان کا سوالنامہ انتیس انتیس سوالات پر مشتمل ہے۔ توشہ خانہ ٹو کیس کے آخری گواہ پر جرح مکمل کرلی گئی۔گواہ نیب کے تفتیشی افسر محسن ہارون پر وکیل صفائی قوثین مفتی نے جرح کی۔ بانی پی ٹی آئی اور بشری بی بی عدالت کے سوالنامے کا جواب 8 اکتوبر کو جمع کرائینگے۔توشہ خانہ ٹو کیس کی سماعت 8 اکتوبر تک ملتوی کردی گئی۔