الیکشن کمیشن آف پاکستان (ای سی پی ) نے پنجاب حکومت کو نئی حلقہ بندیوں سے قبل چار ہفتوں کا وقت دے دیا۔ تفصیلات کے مطابق الیکشن کمیشن نے پنجاب بلدیاتی انتخابات سے متعلق حکمنامہ جاری کردیا۔ الیکشن کمیشن کا کہنا ہے کہ پنجاب حکومت نے نئے قانون کے تحت حدود کا تعین کرنا ہے، پنجاب حکومت نے حلقوں کی حدود بندی کیلئے چار ہفتوں کاوقت مانگا، نئے ایکٹ کی منظوری کے بعد حدبندی قانونی تقاضہ ہے۔ سیکرٹری الیکشن کمیشن نے چیف سیکرٹری پنجاب کے نام مراسلہ جاری کردیا۔سیکرٹری الیکشن کمیشن کا کہنا ہے کہ پنجاب حکومت کو استدعا پر چار ہفتوں کا وقت دیاگیا،اگر پنجاب حکومت نے چار ہفتوں میں کام نہ کیا تو معاملہ کمیشن دیکھے گا،چار ہفتوں بعد معاملہ کمیشن کے سامنے سماعت کیلئے مقرر ہوگا۔