امریکی صدر ڈونلڈ ٹرمپ کی نیتن یاہو کو معاف کرنے کی درخواست اسرائیلی صدر نے مسترد کر دی۔ عرب میڈیا کے مطابق اسرائیلی وزیراعظم نیتن یاہو پر 5 سال سے بدعنوانی کا مقدمہ چل رہا ہے۔ اسرائیلی صدر اسحاق ہرزوگ نے کہا کہ میں صدر ٹرمپ کی دوستی اور ان کی رائے کا احترام کرتا ہوں، اسرائیل ایک خودمختار ملک ہے اس کے قانونی نظام کا مکمل احترام ہونا چاہیے۔ انہوں نے کہا کہ یہ یقینی طور پر ایک غیر معمولی درخواست ہے، اسرائیلی عوام کی بھلائی میری پہلی، دوسری اور تیسری ترجیح ہے۔ عرب میڈیا کے مطابق ڈونلڈ ٹرمپ نے خط میں نیتن یاہو پر بدعنوانی کے الزامات کو سیاسی اور غیرمنصفانہ قرار دیا تھا۔