ترکیہ میں ہونے والی ایک پر وقار تقریب میں پاک بحریہ میں دوسرے پی این ایس خیبر کی شمولیت، ترک صدر رجب طیب اردوان نے خصوصی شرکت کی۔ پاک فوج کے شعبہ تعلقات عامہ کے مطابق پاک بحریہ میں دوسرے پی این ایس خیبر کی شمولیت کی تقریب استنبول کے نیول شپ یارڈ میں ہوئی جس میں پاکستان کے امیر البحر ایڈمرل نوید اشرف خصوصی طور پر شریک ہوئے۔پاک بحریہ کے سربراہ ایڈمرل نوید اشرف نے پی این ملگن شپس کی تیاری میں نیول سپ یارڈ کے عزم کو سراہا، نیول چیف نے دونوں ممالک میں دفاعی تعاون میں فروغ کی بھی تعریف کی۔ آئی ایس پی آر کے مطابق ترکیہ کے صدر نے شپ کا دورہ بھی کیا اور عملہ سے ملاقات کی، ترکیہ کے صدر کو اس موقع پر گارڈ آف آنر پیش کیا گیا۔نیول چیف نے خطہ میں سمندری سکیورٹی اور پی این ٹی این ایف کے مشترکہ آپریشنز پر بات کرتے ہوئے کہا کہ یہ شپ دونوں ممالک کی بحریہ میں مضبوط شراکت داری کو ظاہر کرتا ہے۔