پاکستان اسٹاک مارکیٹ نے نئی تاریخ رقم کر دی، جہاں پہلی بار ہنڈرڈ انڈیکس ایک لاکھ 74 ہزار پوائنٹس کی حد عبور کر گیا۔ کاروباری ہفتے کے پہلے روز ہی بازار کے آغاز پر زبردست تیزی دیکھنے میں آئی، جس کے نتیجے میں 1900 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 74 ہزار 411 پوائنٹس کی بلند ترین سطح تک جا پہنچا۔ یاد رہے کہ گزشتہ کاروباری ہفتے کے آخری دن ہنڈرڈ انڈیکس پہلی مرتبہ ایک لاکھ 72 ہزار 400 پوائنٹس کی ریکارڈ سطح پر بند ہوا تھا، جس کے بعد مارکیٹ میں تیزی کا یہ سلسلہ مزید مضبوط ہو گیا۔