وینزویلا کی اپوزیشن سیاست دان اور نوبل امن انعام یافتہ ماریا کورینا نے کہا ہے کہ وینزویلا میں عوامی حکومت کے قیام کا وقت آ چکا ہے،مدورو کو اب بین الاقوامی انصاف کا سامنا کرنا ہوگا۔ ماریا کورینا نے انٹرنیٹ پر وینزویلا کے عوام کے نام کھلے خط میں اپوزیشن لیڈر ایڈمنڈو گونزالیز کی ملک کے نئے لیڈر کے طور پر حمایت کا اعلان کیااور کہا کہ اب وینزویلا میں امن ہوگا۔ سیاسی قیدی رہا کیے جائیں گے۔وینزویلا کی اپوزیشن سیاست دان کا مزید کہنا تھا کہ 2024 کے انتخابات میں حقیقی کامیابی گونزالیز نے حاصل کی تھی۔انہیں فوری طور پر اپنی آئینی ذمے داری سنبھالنی چاہیے۔