بجلی صارفین پر مزید بوجھ پڑنے کا امکان ،ماہانہ فیول پرائس ایڈجسٹمنٹ کی مد میں ایک ماہ کے لیے بجلی 48 پیسے فی یونٹ مہنگی کرنے کی درخواست نیپرا میں جمع کرا دی گئی ۔نیپرا کو جمع کرائی گئی درخواست کے مطابق دسمبر کے مہینے میں8ارب 48 کروڑ 70 لاکھ یونٹس بجلی پیدا کی گئی۔ڈسکوز کو 8 ارب 20 کروڑ 80 لاکھ یونٹس بجلی فراہم کی گئی۔سی پی پی اے کا کہنا ہے کہ دسمبر میں بجلی کی فی یونٹ لاگت 9 روپے 62 پیسے رہی۔ دسمبر میں ہائیڈل ذرائع سے18.07 فیصد بجلی پیدا کی گئی، جبکہ مقامی کوئلے سے بجلی کی پیداوار 13.99 فیصد رہی۔اسی طرح درآمدی کوئلے سے 10.13 فیصد، قدرتی گیس سے 11.20 فیصد اور درآمدی گیس سے 17.24 فیصد بجلی پیدا کی گئی۔ نیوکلیئر ذرائع سے دسمبر میں 25.05 فیصد بجلی پیدا ہونے کی نشاندہی کی گئی ہے۔نیپرا اتھارٹی 29 جنوری کو سماعت کرے گی۔نیپرا کی جانب سے درخواست کی منظوری کی صورت میں بجلی صارفین کو ایک ماہ کے لیے اضافی مالی بوجھ برداشت کرنا پڑ سکتا ہے۔