صدر مملکت آصف علی زرداری اور وزیراعظم شہباز شریف نے وینزویلا میں آنے والے شدید زلزلوں کے نتیجے میں ہونے والی جانی و مالی تباہی پر گہرے دکھ اور افسوس کا اظہار کیا ہے۔

صدر مملکت آصف علی زرداری نے زلزلے سے قیمتی انسانی جانوں کے ضیاع پر تعزیت کرتے ہوئے سوگوار خاندانوں سے دلی ہمدردی اور اظہارِ تعزیت کیا اورکہا پاکستان اس مشکل گھڑی میں وینزویلا کی حکومت اور عوام کے ساتھ کھڑا ہے اورمتاثرہ خاندانوں کے غم میں برابر کا شریک ہے۔

صدر زرداری کی جانب سے متاثرہ علاقوں میں امدادی سرگرمیاں جلد مکمل ہونے کی امید کا اظہار بھی کیا گیا۔

وزیراعظم شہباز شریف نےبھی وینزویلا میں زلزلے سے ہونے والی تباہی اور جانی نقصان پر افسوس کا اظہار کیا، انہوں نے وینزویلا حکومت اور عوام خصوصا متاثرین کے اہل خانہ سے ہمدردی کا اظہار کیا۔